Huset er ei godt tildekt perle av kulturarv frå slutten av 1600- talet. Denne perla skal no foredlast. Svunnen tid skal fram i ljoset, og vi skal bringe charmen attende!
På veggane er fleire lag maling og tapet, og utanpå dette er dei tilgrisa av ei blanding av sigarettrøyk og matfett. Under linoleumet er gulvet klumpete og ujamnt – og ikkje minst jævlig kaldt! Baderommet er råttent, og leigebuaren har ikkje eingong fjerna håra i sluken.
Det fyrste eg skal gjere, er å male meg eit rom eg kan bu i.
This slideshow requires JavaScript.
Huset er for fyrste gong nemnd i offentlege kjelder som oppføring på “Borris Raatkens grund (ingen grundbref, gifuer)” i 1686. Bygget har kanskje starta som ei todelt laftekasse mot Stølegaten. Det er ukjend om korvidt den tredje laftekassa er like gammal. Innan utgongen av 1700 talet er svalen og bak-kassa bygd. Huset har fått mykje av dagens form ved 1780-talet. Dette kjem fram av funn i huset og offentlege register.
Bileta i slideshowet er frå før oppussingen setjast i gang. For å sjå utviklinga, følg med på husbloggen.
